និយ័តករធានារ៉ាប់រងកម្ពុជា បានសហការជាមួយសមាគមធានារ៉ាប់រងកម្ពុជា សមាគមឈ្មួញកណ្តាលធានារ៉ាប់រងកម្ពុជា និងស្ថាប័នធានារ៉ាប់រងផ្សេងៗ បានរៀបចំឡើងនូវកម្មវិធី “ទិវាធានារ៉ាប់រងកម្ពុជា ឆ្នាំ២០២៤” ដោយមោទនភាព នៅថ្ងៃទី២៧-២៨ ខែកក្កដា ឆ្នាំ២០២៤។ ព្រឹត្តិការណ៍នេះបានធ្វើឡើងនៅ Techo Terrace (Poy Tamong) ខេត្តព្រះសីហនុ។
និយ័តករធានារ៉ាប់រងកម្ពុជា បានសហការជាមួយសមាគមធានារ៉ាប់រងកម្ពុជា សមាគមឈ្មួញកណ្តាលធានារ៉ាប់រងកម្ពុជា និងស្ថាប័នធានារ៉ាប់រងផ្សេងៗ បានរៀបចំឡើងនូវកម្មវិធី “ទិវាធានារ៉ាប់រងកម្ពុជា ឆ្នាំ២០២៤” ដោយមោទនភាព នៅថ្ងៃទី២៧-២៨ ខែកក្កដា ឆ្នាំ២០២៤។ ព្រឹត្តិការណ៍នេះបានធ្វើឡើងនៅ Techo Terrace (Poy Tamong) ខេត្តព្រះសីហនុ។
ពិធីនេះត្រូវបានដឹកនាំដោយឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអនុប្រធាននៃក្រុមប្រឹក្សាភិបាលអាជ្ញាធរសេវាកម្មហិរញ្ញវត្ថុមិនមែនធនាគារ ដែលតំណាងឱ្យឯកឧត្តម ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សា FSA ។
ព្រឹត្តិការណ៍នេះមានការចូលរួមពីឥស្សរជន និងភាគីពាក់ព័ន្ធជាច្រើន រួមមានអភិបាលរងខេត្តព្រះសីហនុ មន្ត្រីរដ្ឋបាលខេត្ត អង្គការរដ្ឋាភិបាលពាក់ព័ន្ធ ដៃគូអភិវឌ្ឍន៍ តំណាងសភាពាណិជ្ជកម្ម គ្រឹះស្ថានធានារ៉ាប់រង គ្រឹះស្ថានឧត្តមសិក្សា សមាគមធុរកិច្ច និងសាធារណជនមកពីខេត្តព្រះសីហនុ។
ទិវាធានារ៉ាប់រងកម្ពុជាឆ្នាំ 2024 បានដើរតួជាវេទិកាដ៏សំខាន់មួយសម្រាប់ការជំរុញការពិភាក្សាអំពីអនាគតនៃវិស័យធានារ៉ាប់រងនៅកម្ពុជា និងជំរុញកិច្ចសហប្រតិបត្តិការរវាងអ្នកចូលរួមក្នុងវិស័យនិងភាគីពាក់ព័ន្ធ។
