ក្រុមហ៊ុនកម្ពុជារីប៊្លូវេនឈ័រ គីជាក្រុមហ៊ុនគ្រប់គ្រងសំណងភាគីទីបី (TPA) ដែលទើបបង្កើតឡើងថ្មីនិងបានបើកដំណើរការជាផ្លូវការបន្ទាប់ពីចុះសម្ព័ន្ធភាព រវាងក្រុមហ៊ុនប៊្លូវេនឈ័រ (BVG) ដែលជាក្រុមហ៊ុនធានារ៉ាប់រងឈានមុខគេក្នុងប្រទេសថៃ និងក្រុមហ៊ុនធានារ៉ាប់រងបន្តកម្ពុជា។ ការបណ្តាក់ទុនរួមគ្នាដ៏សំខាន់នេះត្រូវបានកំណត់ឡើងវិញនូវទិដ្ឋភាពនៃសេវាទាមទារការធានារ៉ាប់រងសុខភាព និងគ្រោះថ្នាក់នៅក្នុងប្រទេសកម្ពុជា។
អនុស្សរណៈនៃការយោគយល់គ្នា (MOU) ត្រូវបានចុះហត្ថលេខានៅថ្ងៃទី 17 ខែមីនា ឆ្នាំ 2023 ដែលបង្ហាញពីប្រសិទ្ធភាព និងភាពជាក់លាក់ក្នុងការគ្រប់គ្រងការទាមទារសំណង។ ក្រុមហ៊ុនកម្ពុជារីប៊្លូវេនឈ័រនឹងប្រើប្រាស់ជំនាញឧស្សាហកម្មនិងបច្ចេកវិទ្យាដ៏ស៊ីជម្រៅសំរាប់ត្រួតត្រាយផ្លូវ ដើម្បីកំណត់នូវស្តង់ដារថ្មីមួយនៃឧត្តមភាពនៅក្នុងទីផ្សារធានារ៉ាប់រងកម្ពុជា។
តំណាងរបស់ក្រុមហ៊ុនប៊្លូវេនឈ័រ (BVG) បានសម្តែងការរំភើបចិត្តចំពោះកិច្ចសហប្រតិបត្តិការនេះ ដោយកត់សម្គាល់ថា “ភាពជាដៃគូនេះបង្ហាញពីការខិតខំប្រឹងប្រែងរបស់យើងក្នុងការពង្រីកឥទ្ធិពលនៅទូទាំងអាស៊ីអាគ្នេយ៍ និងជំរុញឧស្សាហកម្មទៅក្នុងវិស័យថ្មីមួយនៃភាពទំនើបនៃបច្ចេកវិទ្យាធានារ៉ាប់រង។ យើងមានសេចក្តីរំភើបរីករាយក្នុងការអនុវត្តដំណោះស្រាយប្រកបដោយភាពច្នៃប្រឌិតនៅក្នុងប្រទេសកម្ពុជា និងបង្កើនគុណភាពនៃសេវាធានារ៉ាប់រងសុខភាព និងគ្រោះថ្នាក់ផ្ទាល់ខ្លួនសម្រាប់អតិថិជនរបស់យើង។”
ការសំរេចដ៏ជោគជ័យមួយរបស់ក្រុមហ៊ុនកម្ពុជារីប៊្លូវេនឈ័រ (CambodiaRe BlueVenture) ដែលទទួលបានអាជ្ញាប័ណ្ណជាផ្លូវការនៅថ្ងៃទី 28 ខែកុម្ភៈ ឆ្នាំ 2024។ ក្រុមហ៊ុននឹងណែនាំបច្ចេកវិទ្យាទំនើបៗដើម្បីសម្រួលដល់ដំណើរការទាមទារសំណង កាត់បន្ថយការចំណាយនិងពេលវេលាលើប្រតិបត្តិការសម្រាប់ក្រុមហ៊ុនធានារ៉ាប់រង ដែលវាជំរុញអោយមានការពេញចិត្តពីសំណាក់អតិថិជនយ៉ាងខ្លាំង។ វិធីសាស្រ្តដែលមានគំនិតឆ្ពោះទៅមុខនេះត្រៀមខ្លួនរួចជាស្រេចដើម្បីបង្កើតនូវស្តង់ដារថ្មីមួយនៅក្នុងវិស័យធានារ៉ាប់រងរបស់កម្ពុជា។
សម្រាប់ព័ត៌មានលម្អិត សូមចូលទៅកាន់គេហទំព័ររបស់ក្រុមហ៊ុនកម្ពុជារីប៊្លូវេនឈ័រ (CambodiaRe BlueVenture)។
